曼城喺2021年首度杀入欧联决赛，结果喺备受睇好之下输畀车路士，中场核心奇云迪布尼踢到60分钟伤出，成为失冠原因之一。今届曼城再入欧联决赛，奇云迪布尼再次经历同一样嘅恶梦，35分钟就拉伤大腿离场，不过今次有唔一样嘅结局，奇云迪布尼赛後表示：「全队嘅努力，值得创造历史！」

足球生涯首夺欧联冠军，31岁嘅奇云迪布尼自爆近期受到大腿问题困扰：「最近2个月好难捱，我嘅大腿筋有好多问题，好似断咗一样，我已经尽力做好准备，今场头半个钟都感觉好好......无论如何，曼城最後都捧冠军，所以由佢啦！」

再一次喺决赛受伤，但今次有圆满结局，奇云迪布尼赛後兴奋表示：「实在太神奇！我哋为冠军非常努力，全队人嘅努力，曼城值得创造历史！今场唔系曼城表现最好嘅比赛，但决赛总系特别难踢，考虑到我哋完成咗咁多比赛先可以捧3冠，依家应该好好享受。」