继宾施马加盟伊蒂哈德之後，另1位皇马老将莫迪历亦可能跟随佢步伐去沙特阿拉伯搵食，根据西班牙着名记者Aaron Dominguez爆料，呢位37岁克罗地亚国脚正在考虑接受沙特球队吉达艾阿里嘅报价，唔排除今夏自由身转会。

莫迪历将於月底约满，虽然经常传出佢好可能续约1年，但由於宾施马突然离队，转投伊蒂哈德，莫迪历亦开始重新考虑去留问题，加上吉达艾阿里盛意拳拳邀请佢加盟，亦令呢位中场球星心动。

事实上，皇马签入19岁英格兰国脚祖迪比宁咸之後，加上原有2位新星曹亚文尼、卡马云加，中场线已经完成新旧交接。曾经协助「银河舰队」夺冠无数嘅莫迪历都系时候功成身退，把握球员生涯尾声去沙特掘金，赚取巨额「退休金」。

值得一提，随住C朗、宾施马去沙特搵食，加上美斯转投国际迈亚密，一旦莫迪历加盟吉达艾阿里，意味欧洲球坛再冇现役金球奖得主。