曼城赢得欧联冠军实现「3冠王」，一众球星狂欢4日後，阵中5位英格兰国脚又要再上征途，周四(15日)向英格兰国家队报到，备战嚟紧对马尔他同北马其顿2场欧国外大战，5位曼城球星亦喺国家队大合照，不过基亚利殊就承认依家状态麻麻，4日庆祝後「好辛苦」。

据英国传媒报道，曼城球员喺伊斯坦布尔夺冠後，先喺更衣室疯狂庆祝，大军返英国嗰阵，基亚利殊仍然着住佢喺决赛嘅全副波衫，之後大部份主力仲秘密飞去西班牙伊维萨岛，搞咗个10个钟快闪旅行，期间又系夜店狂队酒，随即再返曼彻斯特举行胜利巡游。

经过一连4日狂饮狂欢後，基亚利殊、菲尔科顿、史东斯、基尔获加同加云菲腊斯，周四正式返英格兰国家队复操，不过据《talkSPORT》主持毕拿特透露，基亚利殊向佢表示自己玩完4日後，依家「好辛苦」，可见佢状态未必足够，据报曼城5子唔会喺对马尔他一仗上阵。