西班牙名将恩尼斯达将喺7月1日离开神户胜利船，虽然佢已经39岁高龄，不过仍未有退休打算，据阿根廷《奥莱报》消息，恩尼斯达有望加盟由昔日巴塞隆拿队友米列图执教嘅小阿根廷人。

恩尼斯达早前宣布下月离开日职，日前亦喺一场对巴塞隆拿嘅表演赛上阵告别，不过据《奥莱报》报道，曾经喺2007至2011年效力巴塞隆拿嘅米列图，正力邀恩尼斯达加盟小阿根廷人，早前恩尼斯达接受西班牙媒体访问，亦自爆「一直同米列图有联络」。

恩尼斯达强调佢仍未有退休打算：「我嘅性格系只考虑当下，而当下我系想继续踢波，尽可能延长我嘅足球生涯。将来我希望有机会以某种角色重返巴塞隆拿，但暂时唔会实现。」