正随法国国家队备战欧国外嘅基利安麦巴比，近日再次成为转会主角，佢高调宣布唔会续约巴黎圣日耳门(PSG)後，据报已被PSG挂牌出售，传闻皇家马德里会再次出手。法国总统马克龙近日被问到呢个话题，佢就表明：「我会叫麦巴比留队！」

马克龙向来系忠实足球迷，上年基利安麦巴比戏剧性拒绝皇马而同PSG续约，据报呢位法国总统都有份出力。随住基利安麦巴比去留再度成疑，法国媒体《RMC》报道，马克龙被问到呢个话题嗰阵表示：「我冇任何独家消息，但我会叫麦巴比留队！」

事实上，基利安麦巴比并唔介意留队踢多1季，问题系佢下年将回复自由身，PSG为免下季人财两失，将会被逼喺今个夏天将佢卖走。有消息指如果PSG最终卖走基利安麦巴比，将会收购马德里体育会嘅法国前锋基沙文代替。