瑞士近年成为欧洲足球一大势力，依家喺欧国外3战全胜，阵中拥有格列沙加、恩尼森马等星级球员，不过近期最红要数中坚文路尔艾简治，佢帮曼城实现「3冠王」大业後，豪言要帮瑞士赢埋欧国盃冠军！

文路尔艾简治上年由多蒙特转投曼城，第1季即帮球队拎晒英超、英足盃同欧联冠军，日前返瑞士国家队，亦获赠一件印上「3冠」图案嘅瑞士波衫做纪念，表扬佢喺2023年所创造嘅伟大成就。

瑞士上仗2比1赢安道尔，27岁嘅文路尔艾简治踢足全场，显示佢未有受连日庆祝派对影响，呢位中坚更表示：「我哋要出线欧国盃决赛周，喺曼城赢晒所有冠军之後，点解唔可以定更高目标？帮瑞士成为欧洲冠军，有呢个目标系好合理。」