英国传媒报道，利物浦签入阿历斯麦亚里士打後，今夏继续增兵，佢哋睇中喺奥地利搵食嘅日本新晋前锋中村敬斗，呢位22岁射手上场热身赛6比0大胜萨尔瓦多都有士哥。

中村敬斗喺大阪飞脚出身，2019年外流欧洲，2021年加盟奥地利甲组球队宁斯至今，过去两季上阵68场入26球，单计今季交出17球4助攻，效率极高。

中村敬斗今年首次入选日本国家队，上场热身赛对萨尔瓦多系佢第2次上阵，顺利取得处子入球，相信森保一日後会继续徵召佢。

《每日邮报》报道，除咗利物浦，阿士东维拉、多蒙特等6支球队都对中村敬斗有兴趣，利物浦想签呢位日本新星，就要把握机会。