修咸顿上季英超惨情降班，英格兰国脚中场禾特普斯被传将会离队，不过转会迟迟未有着落，修咸顿周日(16日)热身赛作客土耳其嘅Goztepe，禾特普斯就炮制一个超肉酸12码宴客，唔少网民都认定呢位「死球专家」个心已经唔喺修咸顿。

修咸顿今场26分钟就落後，下半场早段博到12码，「死球专家」禾特普斯射罚球就百步穿扬，估唔到今次操刀突然跣脚，将个波炒到上9楼咁高！好在修咸顿最後凭卡路斯艾卡拉斯入波追平1比1完场。

禾特普斯盛传受到韦斯咸垂青，但修咸顿要求4,000万镑(约4亿港元)转会费就令买家却步，唔少网民表示：「佢想将自己嘅身价降低」、「佢个心已经唔喺度」，亦有球迷抵死表示，禾特普斯系向泰利致敬，模仿泰利喺2008年欧联决赛嘅炒高12码。