曼城同拜仁慕尼黑将於周三(26日)晚喺日本东京交锋踢热身赛，德国传媒指「蓝月亮」後衞基尔获加已经向会方表明，要求转投拜仁慕尼黑，据悉两间球会高层将於东京会谈，商讨交易事宜。

基尔获加不满上阵时间愈来愈少，上季收咧之後已传出佢想离队，拜仁慕尼黑教练杜曹立即争取签入呢位33岁英格兰国脚。虽然曼城有意同基尔获加续约，但佢去意已决定，近日通知领队哥迪奥拿及管理层，要求未来几日内转投拜仁慕尼黑。

曼城方面知道留唔住基尔获加，於是趁今次同拜仁慕尼黑交手，顺便处理交易问题。值得一提，拜仁早前向多蒙特签入嘅左後衞拉菲尔古里路因为操练时受伤，需要休息6星期，会方更加希望尽快签入基尔获加，以解燃眉之急。