曼联公布新一季作客球衣，搵来多位主力担任模特儿，但呢款波衫面世之後，令人哗然，唔少网民认为系「怪物级」设计，同阿仙奴新作客波衫斗样衰。

曼联新作客球衣以深绿色阔直间及白色幼直间为主，配上红色线条，同上季单一季浅绿色，有极大分别，被指似前季纽卡素主场波衫。引来唔少网民批评：「好恐怖嘅设计。」、「真系令人想嗌救命。」不过亦有唔少人认为呢件波衫好有新鲜感，希望买番件。

阿仙奴早前公布新作客球衣，亦被指核突，两队波衫属於同一间赞助商，佢哋「大胆设计」似乎想新一季为球迷带来惊喜。