英超神奇球队白礼顿今季将出战欧霸盃，球队为增强实力，周四(27日)宣布向费伦天拿签入巴西中坚伊戈祖利奥，转会费约1,500万镑(约1.51亿港元)，双方签约4年，白礼顿领队迪萨比对呢位中坚赞不绝口。

白礼顿贯彻唔买名牌嘅作风，25岁嘅伊戈祖利奥虽然未踢过巴西国家队，但已经喺意甲征战多年，上季更协助费伦天拿杀入欧协联决赛，作为左脚嘅用波中坚，白礼顿视佢为回归车路士嘅高维尔代替者。

白礼顿领队迪萨比表示：「伊戈祖利奥系另一个重要球员，佢会喺关键位置帮助球队，中坚位置系白礼顿嘅核心。」白礼顿今季已签入占士米拿、达侯特、祖奥柏度等实而不华嘅球星，希望喺英超同欧洲赛大展拳脚。