今晚德乙开锣即上演大战，由汉堡火并史浩克04。汉堡近年一直争升班失败，於近日热身赛又中门大开，「升降机」史浩克同样嗜攻，加上近年碰头例演入球骚，一於捧2.5球大盘。

（周六凌晨2时30分开赛）

汉堡近年喺德乙都排喺前列，可惜总系错失前2嘅直接升班资格，经常攞第3要打附加赛，包括上季佢哋喺升班附加赛输畀史特加，又要继续留喺德乙做山寨王。汉堡今夏从布伦瑞克签入菲拿尔，呢位荷兰进攻中场，上季於联赛有9球进帐，配合首席射手基列素，火力不减，不过佢哋近期热身赛犹如不设防，同柏辛域陀尼亚、萨尔斯堡、格拉斯哥流浪「拍跳」，合共失咗9粒，防线认真牙烟。

另一边厢，上季重返德甲嘅史浩克04，虽然季中生性频频抢到分，可惜最终只排尾2降班收场，沦为升降机。不过佢哋进攻风格未变，近5仗热身赛入12粒，包括日前打和川迪2比2，当中只有两仗冇失波，明显重攻轻守。连同热身赛在内，汉堡同史浩克近4次交手，有3次开3球或以上，今场捧入球大更划算。