法国射手宾施马上月以自由身，从皇马转投伊蒂哈德之後，终於喺周五(28日)凌晨首次为呢支沙特阿拉伯豪门上阵，立即贡献1次助攻及轰入1球世界波，协助伊蒂哈德喺阿拉伯冠军盃A组，以2比1击败突尼西亚球队艾斯柏兰斯。

伊蒂哈德虽然上半场26分钟失守，但今仗以正选上阵嘅宾施马立即发挥王牌角色，喺35分钟禁区内一扣之後传中，由另一位前锋阿拿顶入扳平1比1。下半场开赛仅10分，球迷最期待画面出见，宾施马喺禁区边左路位置，用右脚射向远柱入网，非常精彩，可见呢位35岁嘅2022年金球奖得主去到中东比赛，简直系大超班。

英国《每日邮报》指宾施马加盟伊蒂哈德，周薪高达160万镑(约1,600万港元)，属於球坛第1位，果然踢出身价波。