【有片】世盃惊心一幕 抗癌斗士操练突昏迷
2023-07-29 来源: 八一体育 点击
正进行得如火如荼嘅女子世盃,周四(27日)出现惊心一幕,喺首轮光芒四射嘅哥伦比亚前锋莲达卡丝杜,操练期间突然出现不适,更一度昏迷超过90秒,由於呢位18岁新星3年前发现患卵巢癌,经过2年终宣布抗癌成功,今届女子世盃更入波创造纪录,今次晕倒送院後初步检查冇大碍,但可唔可以继续世盃之旅仍系疑问。
抗癌成功嘅莲达卡丝杜系今届女子世盃话题人物,佢喺首轮对南韩女足,首度亮相世盃即入波助球队赢2比0,12个月内分别喺U17世盃、U20世盃同世盃入波,被视为足球「童话故事」,不过周四训练期间,莲达卡丝杜喺跑步期间突然按住胸口,跪低後更一度昏迷超过90秒,军医即时冲去抢救,好在佢上担架床後就恢复意识,即刻送入医院检查。
今场操练亦即时取消,现场嘅传媒被要求离开,哥伦比亚职员解释系唔想制造猜测。哥伦比亚女足官员随後透露,莲达卡丝杜系因为压力同体能需求太大而出现症状,但未知同佢嘅抗癌治疗有冇关系,亦冇交代佢可唔可以继续出现今届世盃。
18岁嘅莲达卡丝杜被视为女子球坛最佳新人之一,今年初更加盟西甲劲旅皇家马德里,佢喺抗癌过程中曾做手术切除肿瘤,亦做过长达半年嘅化疗,佢决赛周前指能够出战世盃系梦想成真,如果之後唔能够继续比赛,童话之旅将成悲剧。哥伦比亚女足会喺周日(30日)对德国女足,进行H组第二轮赛事。
上一篇:【有片】世盃惊心一幕 抗癌斗士操练 | 下一篇:强队杀手 皇马新神锋上季2射次破爆巴 |
相关阅读
更多>>精选阅读