白礼顿周三(2日)举行球会年度颁奖礼，厄瓜多尔中场摩西斯卡些度大热当选22/23「白礼顿足球先生」，不过呢位受车路士力斟嘅球星，据报喺颁奖典礼中向嘉宾证实，佢希望喺今个暑假转会离队，搞串个Party！

据《Sussex World》报道，摩西斯卡些度喺今次派对入面，向在场宾客透露会喺夏天转会离队，但被问到目的地系咪车路士，呢位21岁中场就拒绝开名。车路士喺暑假已经4度开价被拒绝，最新开价系8,000万镑(约8亿港元)，但同白礼顿要求嘅1亿镑(约10亿港元)仍有距离。

摩西斯卡些度今年初先同白礼顿续约，佢喺今次颁奖礼包办「白礼顿足球先生」同「球迷投票最佳球员」，摩西斯卡些度领奖嗰阵表示：「多谢所有球迷支持，冇你哋我冇今日，我系为家人而战，佢哋喺我嘅灵感，我会将呢个奖送畀我妈妈。」