根据英国《太阳报》爆料，巴塞隆拿嘅代表将会同阿历斯山齐士见面，签入呢位今夏恢复自由身嘅34岁智利前锋，代替好可能转投巴黎圣日耳门嘅翼锋奥士文尼迪比利。

阿历斯山齐士曾於2011至14效力巴塞隆拿，上阵141场入47球，捧过西甲及西班牙盃等多项锦标，其後转投阿仙奴，但近年事业每况愈下，效力曼联、国际米兰期间表现都令人失望。

A山上年夏天加盟法甲球队马赛，签约1年，为马赛上阵44场入18球，但不获续约，今夏恢复自由身。早前有传英超球队诺定咸森林有意签入阿历斯山齐士，但依家好可能被巴塞截胡。

巴塞隆拿近年陷入财困，经常出手免转会费签入自由身球员，估唔到连水准今非昔比嘅A山都唔放过。