利物浦今夏中场换血唔顺利，近期接连在引入摩西斯卡些度同罗美奥拉维亚输畀车路士，加上最初争夺祖迪比宁咸又唔够皇马争，市场选择唔多，英国传媒报道，红军正考虑狼队中场马菲奥斯纽尼斯，其身价高达4,500万欧元(约3.85亿港元)。

《AnfieldWatch》报道，马菲奥斯纽尼斯系利物浦最新目标，佢喺英超首轮对曼联一仗为狼队踢足全场，可以即买即用，而且狼队在上任主帅卢比迪古请辞後，多名球员都有离心。

不过除利物浦外，24岁嘅马菲奥斯纽尼斯亦获多队注视，不过喺个人待遇方面红军仍有吸引力，而且喺预算方面利物浦资金充裕，佢哋接连喺摩西斯卡些度同罗美奥拉维亚两单收购，准备咗超过1亿镑资金，用嚟买马菲奥斯纽尼斯并无困难。

此外，利物浦亦打算重新考虑李斯特城中场达斯贝利贺尔，同埋尼斯中场卡夫兰杜林，为中场补充新血。