基利安麦巴比同巴黎圣日耳门(PSG)嘅转会闹剧或会告一段落，一直留意麦巴比动向嘅西班牙传媒报道，该位法国前锋将会同PSG续约3年，人工同奖金唔会低过沙特球队，转会皇家马德里之路几近断绝。

西班牙6台爆料，麦巴比同PSG关系缓和，麦巴比团队将会接受PSG条件，即将续新约，新约为期3年，最重要系美斯同尼马离队，「麦总」喺队中拥有独霸地位。

而且PSG今夏增兵步伐未有停止，先後签入奥士文尼迪比利、卢卡斯靴南迪斯等多名一线球员，又搵到安历基执教，实力保持强大，都系吸引麦巴比留队嘅原因。

至於皇马想签麦巴比，难度就相应提升，传媒估计明夏其转会费将不少於2亿欧元(约17亿港元)。