曼城领队哥迪奥拿一向系战术大师，佢主打嘅传控足球不断演变，今季更加试玩4-2-5阵式嘅「空龙」战术难，巴西门将艾达臣摩拉斯经常会化身4人防线之一，哥迪奥拿亦称佢系球队进攻嘅秘密武器。

现代足球嘅门将讲究脚法同组织力，曼城由季前热身开始，就经常将艾达臣摩拉斯推上前成为3人或4人防线之一，上场英超面对般尼，佢嘅传球次数系全队第2高，考虑到佢当中有唔少系直接交畀艾宁夏兰特、祖利安艾华利斯等攻击球员嘅长传，80%传球成功率亦系非常之高。

哥迪奥拿对於艾达臣摩拉斯嘅作用，直指佢系「我哋可以利用嘅武器」，而艾宁夏兰特亦表示：「如果可以由龙门直接交波畀箭头，点解唔做？我哋应该咁做！」