今夏约满利物浦嘅英格兰中场阿历士张伯伦，周二(15日)宣布加盟土超劲旅比锡达斯，双方签约3年，成为呢支土耳其名牌夏天另一重要收购，有传佢哋仲要签入阿仙奴翼锋尼高拉斯比比。

30岁嘅阿历士张伯伦回复自由身後，虽然收到沙特球会斟介，但佢决定续留欧洲发展，今次签约比锡达斯会获得250万欧元(约2,130万港元)年薪，另有视乎上阵时间嘅奖金条款。

比锡达斯近年锺情英格兰球员，上季就有迪利阿里同列特文2名英兵效力，佢哋今个夏天亦有唔少增兵，包括向AC米兰签入克罗地亚国脚列比锡，消息指比锡达斯近日亦同尼高拉斯比比达成3年合约，等待阿仙奴答应解约放人。