曼城射赢12码夺欧超盃 狂扫今年第4冠
2023-08-18 来源: 八一体育 点击
曼城升呢做「4冠王」!周四(17日)凌晨欧超盃大战,欧联盟主曼城靠小将高尔彭马做奇兵,下半场入波1比1逼和欧霸冠军西维尔,最终互射12码赢5比4,史上首度捧走欧超盃冠军,亦系佢哋今年继英超、英足盃同欧联後第4个锦标。
曼城喺奇云迪布尼受伤下,今场意外派21岁嘅高尔彭马担正,呢位英格兰U21球星盛传将被放走,估唔到喺呢场大战做奇兵,佢嘅表现亦相当活跃,早段曾有精彩射门被扑,亦频频策动攻势制造埋门,不过曼城未入到波,反而喺25分钟被安尼斯利头槌攻陷,半场落後0比1。
换边後曼城加强进攻,西维尔嘅反击亦相当入肉,直到63分钟高尔彭马做救星,佢喺右路窄位顶入,继社区盾後再为曼城取得入球,两队法定时间踢成1比1平手。互射12码曼城5射全中,西维尔最後一轮就有尼曼查古迪积射中楣,曼城得以射赢5比4捧盃。
高尔彭马传闻获韦斯咸同白礼顿斟介,曼城领队哥迪奥拿赛後亦承认佢可能离队:「我唔知高尔彭马会唔会留队,之前我觉得佢系想转会,依家就唔知道,我相信唔会外借,高尔彭马一系就留队、一系就正式转会。佢今场展现出个性,年轻球员喺呢个舞台表演唔容易,佢踢得好好,仲有一个精彩入球。」
今次系曼城史上第1次赢欧超盃冠军,哥迪奥拿就成为史上首个带领3支球队赢欧超盃嘅领队,佢喺2009年、2011年已帮巴塞隆拿赢过2次,2013年又带领拜仁慕尼黑夺冠,今次率曼城再尝冠军滋味,继续改写历史。
相关阅读
- 08-18科顿平均14.6场夺一冠 哈利卡尼羡慕吧
- 08-18添巴长抖7个月 ACL魔咒狂袭7球星
- 08-18曼联将同艾历拜利解约 但有一大分歧
- 08-18【官宣】系爱!卡索拉返奥维多拎最低工资
- 08-18火力弱唔敢冒进 赫尔辛基半和值博
- 08-18英超23/24赛季-纽卡索5-1阿斯顿维拉-凶猛的喜鹊
- 08-18卡些度做车路士「25」仔 苏拿送祝福
- 08-18【赛後解码】消失的夏兰特 踢5场决赛0入球
更多>>精选阅读