宾施马同纽奴爆冲突 沙特之旅提早玩完?
2023-08-25 来源: 八一体育 点击
沙特阿拉伯球会夏天疯狂招兵,法国前锋宾施马加盟伊蒂哈德系焦点之一,不过呢位「金球奖」得主近日被爆同教练纽奴出现冲突,消息指宾施马一度拒绝出席操练,而纽奴就要求将佢雪藏,去到「有你冇我」嘅地步。
据沙特媒体《Asharq Al-Aswat》报道,纽奴认为宾施马嘅踢法唔啱球队,伊蒂哈德开咧头2轮虽然赢波,但宾施马都冇波入,而且纽奴近日将队长职务交畀球会传奇罗马连奴,未有履行球会签宾施马嗰阵「畀佢做队长」嘅承诺。消息指宾施马近日拒绝出席操练,而纽奴就向球会提出唔畀佢做正选作还击。
消息爆出後,网民就一面倒支持宾施马,有球迷留言:「宾施马赢过无数冠军,如果佢唔啱球会战术,会唔会系个战术有问题?」、「搵一个战术嚟配合宾施马,呢个系纽奴嘅责任」、「宾施马可以返欧洲,大把球会想要佢啦!」
上一篇:美斯2次神助攻 迈亚密绝地反胜入决 | 下一篇:【欧霸盃】阿积士冇默契唔怕反 |
相关阅读
- 08-25【欧霸盃】阿积士冇默契唔怕反
- 08-25利物浦又输?曼城截劫狼队中场
- 08-25【官宣】森林签阿根廷「大心脏」国脚
- 08-25宾施马同纽奴爆冲突 沙特之旅提早玩完?
- 08-25维拉踢欧协联超班 5比0炒喜伯年
- 08-25【官宣】贝拿度施华续约曼城:继续创造历史
- 08-25比宁咸定入球目标 云尼斯奥斯:最佳拍档
- 08-25韦拿杜姆将离开巴黎 沙特又抢人
更多>>精选阅读