西甲劲旅巴塞隆拿近期表现回勇，取得2连胜，但却发生将帅不和事件，射手罗拔利云度夫斯基公开批评教练沙维战术保守，对佢喺锋线上支援不足，有违巴塞传统华丽足球风格。

罗拔利云度夫斯基接受西班牙《世界体育报》访问时话：「我哋系巴塞隆拿，唔止要赢，仲要踢出华丽进攻足球，但我哋好多时场上唔够进攻球员，我得唔到支援，呢个问题需要解决，最简单睇番上场对维拉利尔，安素法迪、费伦托利斯上阵之後，创造好多攻门机会，佢哋冇理由做後备。」

沙维今季经常只用罗拔利云度夫斯基踢单前锋，并以加维、柏迪、根度简等中场支援佢，最多用埋16岁小将耶马踢右翼，令「罗拔佬」觉得冇足够传送，今季踢3场西甲只入1球，条气梗系唔顺，唔知沙维会唔会接受佢建议，排出更进取阵式呢？