英超神奇球队白礼顿今季首战欧洲赛，球队亦喺转会窗完结前加码，据报佢哋成功借用巴塞隆拿天才前锋安素法迪，呢位20岁新星一度被誉为「美斯接班人」，加盟白礼顿将同三笘薰组成恐怖进攻组合。

转会权威Fabrizio Romano报道，今季喺巴塞隆拿未受重用嘅安素法迪将被外借，原本热刺率先出手，但白礼顿领队迪沙比同安素法迪联络後，成功说服呢位西班牙前锋加盟。报道指白礼顿会借用一季，而且冇包含任何买断条款，如果安素法迪可以喺英超踢番起，巴塞隆拿有意回收重用。

白礼顿有「扭波王」三笘薰出任左翼，预计同样靠左路嘅安素法迪加盟後，会出任前锋或进攻中场，随时同三笘薰互换位置，如果安素法迪可以踢番出道嘅天才表现，有望同三笘薰成为英超其中一队最强进攻组合。