转会窗就快结束，曼联一直卖唔出前队长哈利马古尼，令球迷非常担心，估唔到周四(31日)突然爆出马古尼落实转会消息，而且仲着埋新球会波衫亮相！不过睇真啲，原来呢个同哈利马古尼劲似样嘅球员，其实系佢细佬罗伦斯马古尼，佢由非联赛球队车士打菲特外借到英乙嘅卡维尼。

26岁嘅罗伦斯马古尼系哈利马古尼细佬，两兄弟个样饼印一样，同样司职後衞嘅罗伦斯马古尼多年来都喺地区联赛打滚，今次转战英乙系佢足球生涯一大突破，唔少网民睇到佢嘅加盟发布会相片，都话以为哈利马古尼转会，网民留言：「我开心咗1秒」、「两兄弟个样一模一样」、「佢哋系咪一样咁好波？」

至於哈利马古尼去留仍未有定案，近日有传韦斯咸向曼联重新展开斟介，不过随住法国中坚华拉尼受伤，曼联亦可能需要哈利马古尼继续留队。