将帅决裂!辛祖发声明反击:唔好信坦哈格!
2023-09-05 来源: 八一体育 点击
曼联喺英超作客1比3不敌阿仙奴,赛後再爆出将帅决裂风波!曼联领队坦哈格赛後解释查顿辛祖未有入选今场大名单,系因为操练表现差,查顿辛祖随即发声明反击,公开批评坦哈格讲大话,直指坦哈格唔用佢系「另有内情」,认为自己一直被坦哈格用作代罪羔羊!
曼联作客阿仙奴嘅大军名单,夏天转会窗盛传会离队嘅麦汤米尼同查顿辛祖,齐齐榜上无名,反而用咗小将米积伯利同丹尼尔哥尔,坦哈格赛後解释:「麦汤米尼病咗,而查顿辛祖唔入选系因为佢操练嘅表现。」言下之意系指查顿辛祖练波态度出现问题。
坦哈格嘅访问言论出现後,查顿辛祖随即发出强硬声明反击:「请唔好相信所有你睇到嘅嘢!我唔会容许其他人讲大话,我今个星期操练非常认真,我相信呢件事背後有其他原因,但我唔想讲,我一直以嚟都被当代罪羔羊,实在太唔公平!我唯一希望就系带住微笑踢波、为球队作出贡献,我尊重教练团队所有决定,好感恩可以同一班神奇球员一齐踢波,每个星期都系一大挑战,无论如何,我会继续为曼联而战斗。」
曼联上季高价收购安东尼马菲奥斯後,查顿辛祖嘅上阵机会随即大减,季前热身改踢前锋亦冇乜表现,虽然今季头3场联赛都有份後备入替,但今仗作客阿仙奴就意外落选。
上一篇:曼联惨负阿仙奴 坦哈格怒插球证3大 | 下一篇:【南球盃】利加大学让球胜抵玩 |
相关阅读
- 09-05曼联输波後 坚尼遇袭
- 09-05【有片】巴塞3宝炮制金球 美斯下仗缺阵
- 09-05安东尼打女友新证曝光 巴西宣布踢出国家队
- 09-05坦哈格同辛祖和谈 奥拿拿曾脱离黑名单
- 09-05【英甲】剑桥联主场打雷抢W
- 09-05英超23/24赛季-阿森纳3-1曼联-红魔遭到枪手击溃
- 09-052022/23英冠,2023/24英超:英超第51队之小镇故
- 09-05从欧洲到美国—球王梅西的伟大旅程最终章
更多>>精选阅读