多间英国传媒报道，阿仙奴终於放弃尼高拉斯比比，愿意收取象徵性转会费，畀球员转投土超比锡达斯。

报道指，比锡达斯有意签入比比，现正进行深入谈判，阿仙奴唔再拖拖拉拉，决定放人，释放球队嘅薪酬空间。

28岁嘅比比於2019年以当时8,000万欧元天价由里尔来投，可惜嚟到之後唔啱用，3季上阵112场入27球，上季外借到尼斯，上阵28场入8球，不设买断条款，今夏返回阿仙奴已经冇佢位置，放人对大家都好。