丹麦上仗欧国外大胜圣马力诺4比0，曼联射手贺兰特等到59分钟先至後备上阵，并冇波入，球队将於周一(11日)凌晨作客榜首芬兰，到底呢位20岁新星会唔会再次披甲，备受关注。丹麦领队贺文特透露，贺兰特嘅状态不足以应付90分钟赛事，仲考虑紧畀佢几多上阵时间。

贺文特接受传媒访问时话：「贺兰特将会有份迎战芬兰，但佢仲未准备好踢足90分钟，问题系应该畀佢踢几长时间，到底系派佢踢正选，然後中途换走佢，亦或安排佢後备上阵，仲需要从详计议，毕竟贺兰特只系复操一星期，唔应该畀佢太大压力。」

事实上，无论贺文特或者曼联主帅坦哈格都好担心贺兰特会再次受伤，一般估计，呢位身价达7,200万镑(约7亿港元)嘅射手，对芬兰应该担任後备居多。贺兰特今届欧国外表现神勇，已有6球进帐，因而打名堂。