阿仙奴开季成绩唔错，不过後防伤兵问题就愈嚟愈严重，周六(9日)首次为巴西国家队上阵嘅中坚加比尔马加希斯，被影到尾段受伤离场後，要用冰敷大腿，暂时未知伤势严重程度，但国际赛後阿仙奴要应付欧联分组赛展开，人手令人担心。

阿仙奴有3人入选今期巴西国家队，周六对玻利维亚嘅世盃外，加比尔马加希斯处子战即刻正选上阵，协助球队大胜5比1，不过佢喺84分钟就因伤离场，而且喺後备席即刻用冰敷右脚大腿，星期三(13日)作客秘鲁嘅赛事上阵成疑。

巴西军医Rajpal Brar表示：「马加希斯大腿出现问题，唔肯定系撞伤定系肌肉拉伤，初步检查似系撞伤，应该算系好消息。」阿仙奴目前已有荷兰後衞祖安利添巴重伤收咧，季初客串右闸嘅汤马士柏迪亦要抖2个月，马加希斯如果要抖一段时间，对阿仙奴会系重大打击。