开季长胜将军皇家马德里，周一(18日)凌晨西甲主场2比1反胜皇家苏斯达，5战全胜压倒巴塞隆拿重登榜首。皇马今季後劲十足，5场联赛有3场都系先输後反胜，而教练安察洛堤亦以累积173场胜仗，成为皇马史上第2多赢波教头。

皇马今场陷入苦战，倒戈嘅久保建英威胁极大，皇苏5分钟嘅喺佢嘅策动下，由巴伦尼特斯亚入波领先，久保建英11分钟再有入波，可惜被判诈胡；皇马下半场发力，费达历高华维迪46分钟禁区顶熨射追平，祖斯奴再喺60分钟顶入致胜球，带领皇马赢2比1完场。

皇马系自2004年嘅萨拉戈萨後，首支喺头5轮赛事3次反败为胜嘅西甲球队，安察洛堤亦以累积173场胜仗，超越施丹嘅172场，成为皇马历来赢波第2多教练，仅次於传奇蒙奴斯(357胜)，而且「肥安」71.8%胜率，亦只系输畀比历连尼(75%)同摩连奴(71.9%)，排皇马史上第3位。