意甲冠军拿玻里日前喺官方TikTok出恶搞片，疑似贬低球队首席射手域陀奥森汉，而且有种族歧视嫌疑，引起牵然大波。域陀奥森汉经理人表明考虑采取法律行动後，拿玻里周五(29日)发出道歉声明，指球会无意羞辱域陀奥森汉，直指佢系球会嘅「瑰宝」。

拿玻里喺声明表示：「拿玻里希望避免关於呢次事件嘅炒作，球会永远唔会想冒犯、羞辱域陀奥森汉，佢系球会嘅瑰宝！证明呢一点，拿玻里喺今个夏天坚决拒绝所有对域陀奥森汉嘅开价。社交媒体，尤其系TikTok，经常都系发布轻松同充满创意嘅内容，喺域陀奥森汉嘅事件入面，拿玻里绝对冇意图去侮辱或者嘲笑佢。」

24岁嘅域陀奥森汉喺事件後，已经将社交网内所有拿玻里相关图片删除，据报好可能会喺1月转会窗寻求转会，传闻英超嘅车路士同阿仙奴都有兴趣招揽呢位前锋。