利物浦前锋加普上仗英超对热刺，射入1球之後不幸伤出，英国《太阳报》引述荷兰传媒报道，指呢位24岁射手需要休息数星期，无法为荷兰出战10月中2场欧国盃外围赛，甚至可能缺阵10月21日晚英超「默西赛德郡打吡」主场对爱华顿。

加普当时被换离场之後，需要包紮膝部，主帅高普已经担心呢位荷兰国脚伤势唔轻，荷兰记者艾芬克喺社交网爆料，指加普将休战数星期，荷兰未来2场欧国盃外围赛对法国、希腊，都唔使预佢。利物浦10月仲有5场比赛，包括对同市宿敌爱华顿，恐怕加普未必可以披甲。

利物浦将於周五(6日)凌晨欧霸盃主场对圣基莱斯联，预料会以副选出战，但跟住英超作客白礼顿，除咗加普养伤之外，仲有居迪斯锺斯、迪亚高祖达停赛，人脚不整之下随时有失分危机。