因违规赌波被罚停赛嘅宾福特前锋艾云东尼，周三(4日)喺一场闭门热身赛复出即有波入，为1月全面复出做准备。据报阿仙奴、车路士同热刺3间球会都对佢虎视眈眈，有意喺冬季转会窗出手抢人。

宾福特周三对意大利球队科木踢热身赛，获准喺9月份复操嘅艾云东尼，相隔150日後再上战阵，佢喺呢场2比2嘅和波入面射入1球，上阵61分钟时间同马奥比有唔少精彩配合，状态唔错。

明年1月17日波监期满嘅艾云东尼，盛传受到阿仙奴、车路士同热刺垂青，宾福特为呢位27岁前锋定价为6,000万镑(约6亿港元)。