曼联近期成绩差劲，对上7场赛事输咗5场，领队坦哈格准备求变「止血」，据报状态低迷嘅前锋拉舒福特首当其冲，可能会被贬为後备。

拉舒福特上季狂入30球，精彩表现为佢赢得一纸37.5万镑(约375万港元)周薪天价合约，可惜续约後状态直插谷底，今季9场比赛只入1球，周中欧联对加拉塔沙雷虽然有助攻，但全场亦犯错频频，连续2场都被提早换走，坦哈格明显对佢嘅表现有所不满。

喺巴西翼锋安东尼马菲奥斯解禁回归後，曼联喺翼锋位置有唔少选择，包括近2仗入替「福仔」嘅阿历真度加拿祖同法根度柏利斯查。