周四(5日)朝早美职赛事，国际迈亚密喺美斯继续缺阵下，作客以1比4惨败芝加哥火焰脚下，喺美斯养伤嘅3场联赛只得2和1负，仍然排喺东岸尾2位置，杀入季後赛嘅机会非常渺芒。

美斯虽然已经复操，但今场依然唔能够披甲，结果今场被芝加哥火焰嘅「瑞士美斯」梳顿沙基利抢晒镜，佢个人梅开二度带领火焰赢4比1。

国际迈亚密输波後以33分排东岸尾2，距离季後赛附加赛资格嘅第9位5分，国际迈亚密只剩最後3轮情况下，就算佢哋赢晒3场，都要指望依家排9至13位嘅球队都失分，睇怕连美斯都无能为力。