前两年格拉斯哥流浪搵过谢拉特执教，嚟紧佢哋可能会搵林柏特做主帅。格流上仗联赛输畀鸭巴甸，联赛7战3负，赛後主帅比亚里被辞退，暂由史提芬戴维斯任看守领队，正物色新主帅，林柏特系人选之一。

格流曾於2018至2021年由谢拉特执教，帮球队赢过苏超冠军，之後谢拉特被阿士东维拉挖角，格流近期又经历换帅，但谢拉特已经去咗沙特搵真银，但另一前英格兰中场林柏特仲喺度，依家成为该队候选人。

林柏特同谢拉特几乎同时间做教练，教过打比郡、车路士同爱华顿，上季接替朴达出任车路士看守领队到季尾，佢早前表示，随时准备好再执教鞭，如果有合适机会会再做领队。