沙特阿拉伯球会今夏大展拳脚，依家坐拥C朗拿度、宾施马、尼马、尼高路简迪同佐敦轩达臣等球星，当然志在参加最高水平赛事，有传闻指沙特阿拉伯可能会效法以色列同哈萨克，由亚洲足协「转会」欧洲足协，令伊蒂哈德、希拉尔同艾纳斯等球会可以挑战欧联。

对於呢个荒诞计划，着名中东足球专家利安维克斯就向《每日星报》解释：「呢件事发生嘅机会好微，因为呢个决定仲会影响埋国家队，沙特阿拉伯喺上年世盃有好表现，如果加入欧洲足协，佢哋再踢世盃嘅机会肯定唔及留喺亚洲。」

不过，就算唔加入欧洲足协踢欧联，沙特阿拉伯球会一样有方法参与最高水平赛事，传闻沙特有意举办一个奖金比欧联更丰厚嘅世界冠军球会盃，每年邀请所有欧洲劲旅参赛，随时取代欧联成为最受注目嘅赛事。