纽卡素「赌输」 积及梅菲做手术抖3个月
2023-11-08 来源: 八一体育 点击
纽卡素今季出战欧联,连场硬仗下出现唔少伤兵,前锋积及梅菲喺上月底欧联膊头甩骹,不过领队艾迪侯域就决定「赌一铺」,要佢喺周日(5日)英超对阿仙奴上阵,结果积及梅菲再次甩骹,将会进行手术根治,预计要休战3个月时间。
积及梅菲喺上场欧联对多蒙特受伤,膊头甩骹後只系抖咗10日就复出,结果对阿仙奴後备落场踢16分钟,就喺一次心口控波动作再度甩骹。艾迪侯域表示:「我哋知道积及梅菲有机会再次甩骹,亦有机会平安过关,好可惜依家佢似乎再甩骹,手术系唯一方法,我估计佢要抖3个月,对球队系一大打击。」
纽卡素喺对阿仙奴一战仲有左闸丹般恩受伤,加上原本有阿历山大伊沙克、哈维班尼斯同保治文等伤兵,而意大利中场辛度东拿利又因非法赌波要长期停赛,令纽卡素变阵空间大大减少。
上一篇:【亚冠盃】伊蒂哈德半和够「体」头 | 下一篇:费度:盐湖城一剑封「侯」追平局数 |
相关阅读
- 11-08丹恩奴域:希拉尔势再下一「城」
- 11-08马天尼斯拎完奖即派胶 艾美利拒罚爱将
- 11-08费度:盐湖城一剑封「侯」追平局数
- 11-08尼高拉斯积逊「戴帽」 车路士大炒热刺
- 11-08费度:拿舒维尔破「城」 追平局数
- 11-08坦哈格获颁北方最佳教练奖 但随时冇得捞
- 11-08又嚟世纪失机 纽尼斯9次攻门食白果
- 11-08搞边科?费格逊100%支持坦哈格留队
更多>>精选阅读