欧联决赛即将爆发，巴黎圣日耳门(PSG)同阿仙奴争夺冠军前，PSG嘅俄罗斯门将沙科洛夫获「激情」打气，色情女星公开提供「额外奖励」！

俄罗斯人色情女星Mary Rock，日前喺社交网公开向沙科洛夫打气，更大胆送上私人「福利」：「作为PSG嘅拥趸，我祝你喺欧联决赛战胜阿仙奴。为咗等呢个胜利更加甜蜜，我承诺你喺比赛入面每救一球，我就会陪你过一个激情嘅夜晚！

呢个「救1球、玩1晚」嘅言论随即喺网上疯传。不过，沙科洛夫其实已经结咗婚，佢老婆Marina Kondratiuk睇到之後，巧妙作出反击：「有位色情女星承诺，沙科洛夫每救一球就陪佢过一个火辣嘅夜晚，但佢根本唔知，我老公所谓嘅『火辣夜晚』，其实只系喺度填字游戏、睇综艺节目，然後11点半就乖乖上床睡觉，然後第二日朝早晨操。」老婆呢番霸气又幽默嘅回应，成功帮老公拆解呢次桃色诱惑！