体育财经网站KPMG早前公布调查，指英超劲旅曼城系全球总身价最高球会，球员总身价达到9.6亿镑，对於星光熠熠嘅「蓝月亮」嚟讲，呢个结果唔算意外。不过体育财经权威Kieran Maguire日前表示，调查对曼城嘅评估非常保守，直指单一个菲尔科顿已经值1.5亿镑。

英国着名体育财经专家Kieran Maguire表示：「对呢个调查结果，曼城嘅数字低到令我惊讶，佢哋有个超级新星菲尔科顿，只系佢已经值1.5亿镑，当然仲有好多其他出色嘅新人，9.6亿镑绝对系保守嘅估计。呢个调查证明曼城虽然花咗好多钱，但佢哋花嘅钱都系物有所值。」

根据KPMG调查显示，当今球坛10大最有价值球员当中，曼城总共有2人上榜，分别系排第2位嘅菲尔科顿同第10位嘅鲁宾戴亚斯，多蒙特前锋艾宁夏兰特就位居榜首。