利物浦喺今夏首场季前热身赛，以0比4惨败於宿敌曼联脚下，令人大感意外，红军主帅高普表示，球队太快踢热身赛，部份球员未准备好，导致表现欠佳。

高普话：「我哋必须接受呢个赛果，曼联有部份时间表现非常出色，为我哋带来好大麻烦，但我哋都有唔少优胜之处，应该值得入波，可惜把握唔到。对於我哋部份球员来讲，今场比赛来得太早，出现唔少错误，我哋最後5分钟起码入到3、4球。」

利物浦有多位主力上月需要为国家队出战国际赛，休息时间并唔充足，加上返回球会报到冇耐，明显未操起状态。

另外，高普亦力撑错失入波黄金机会嘅新兵达云纽尼斯，指佢只进行3次操练，今场比场可能超出佢身体负荷，但佢仍然不断跑动制造射门机会，属於一位非常称职嘅前锋。