英超仲有唔够2个星期开波，狼队喺开锣战作客列斯联前传出噩耗，主力前锋鲁尔占美尼斯喺日前热身赛受伤，经检查後发现膝部内侧韧带撕裂，预计要缺阵「数个星期」，球季开锣唔使预佢。

狼队上周日(24日)3比0大炒比锡达斯，鲁尔占美尼斯15分钟先开纪录，但佢踢唔够半场就受伤退下火线，检查後发现膝部内侧韧带撕裂，肌肉亦有拉伤，军医表示两个伤患都「唔系非常严重」，但至少要休息几个星期。

狼队今个夏天转会淡静，只系由般尼签入守将弥敦哥连斯，而且仲将後备前锋法比奥施华外借安德列治，令球队依家欠缺正箭头，预料普丹斯、黄喜灿同柏度尼图会系客串前锋嘅人选。