李斯特城领队罗渣士回应近日占士麦迪臣获纽卡素斟介传闻,罗渣士指出,纽卡素出价4000万镑,只够买麦迪臣左脚嘅3/4!
早前有消息指,纽卡素打算斟介占士麦迪臣,并提出4000万镑报价,已被李斯特城拒绝,对於上述传闻,罗渣士并无否认,佢好坦白话:「其实唔应该由我为球员估价,咁样唔适合,不过呢份报价,可能只够买麦迪臣只左脚嘅3/4,因为佢系顶级球员。」
罗渣士强调,麦迪臣系李斯特城球员:「你可以睇到佢嘅表现,见到佢有几开心,佢唔系我哋想出售嘅球员。」