德甲球队RB莱比鍚正式宣布签入车路士前锋迪姆华拿，双方签约4年，据悉转会费为2,000万欧元，相比起2年前，车路士向RB莱比鍚收购呢位德国国脚嘅转会费，足足少咗3,300万欧元，车仔真系蚀大本。

迪姆华拿效力车路士2季，上阵89场仅入23球，其中英超赛事占10球，对於1位射手而言，实在唔合格，所以车仔今次不惜大割价都要卖走佢。

不过，迪姆华拿却系RB莱比鍚球迷眼中嘅英雄，佢2016至20年效力呢支德甲球队期间，上阵159场入95球，属於RB莱比鍚史上首席射手，而佢转会一出一入，仲帮球会赚大钱。

26岁嘅迪姆华拿重返RB莱比鍚，亦付出唔少代价，据悉需要减一半人工。