爱斯宾奴官方周四(12日)宣布，中国国脚武磊离队，据报以150万欧元转会费重返上海上港，武磊重返中超後，其年薪将进一步减至税前500万元人民币。

武磊於2018年由上海上港转投爱斯宾奴，展开西班牙之旅，当年转会费为200万欧元，期间曾经历降班西乙，上阵126场入16球，佢同爱斯宾奴仲有两年合约，上港回购佢要畀转会费，约为150万欧元。

武磊年届30岁，返中超仲有一定战斗力，而佢嘅薪酬呢几年都好大起伏，当年佢喺上港系顶薪球星，年薪税後1500万元人民币，转投爱斯宾奴实际上系减薪出国，喺爱斯宾奴年薪只有100万欧元。

今次返到上港，国内环境亦大变，中超唔再容纳亿万巨星，武磊只能接受税前500万元人民币嘅条件，呢个亦系中国足协规定。