方丈2.0 兰历克劝奥地利神锋勿去曼联
2022-08-13 来源: 八一体育 点击
上季担任曼联看守领队嘅「逼抢之父」兰历克,今夏离队转任奥地利国家队主帅後,竟然学咗尹戈尔成为另一位「方丈」,事关兰Sir日前公开表示,劝戒麾下神锋沙沙卡拉积锡,为自己前途着想,唔好加盟曼联。
曼联英超首仗输畀白礼顿後打锣搵前锋,之前搵阿拿奥杜域斟介行动已煞停,又遭「新夏兰特」施斯高拒绝,近日各媒体再爆料,曼联最新目标系史特加25岁中锋沙沙卡拉积锡。
呢位奥地利中锋身高2米,前季上阵36次攻入17球,上季大部份时间养伤,仅上阵15次,但都入咗6球,曼联如果签到佢,将可解决前锋问题。
不过兰历克却公开表示,球员为自己前途着想,切勿加盟曼联:「依家最重要系沙沙卡拉积锡能健康完成球赛,咁先可以保持最佳状态,对於佢嘅转会传闻,我觉得留喺史特加会有更好发展。」
兰Sir嘅言论似曾相识,因为同一番说话讲得最多系另一前曼联主帅尹戈尔,尹帅对於曼联当年炒佢一直耿耿於怀,传闻兰历克喺曼联半年有唔少不愉快经历,最後因为无法同坦哈格合作,连原本升任曼联顾问一职都唔捞,变成方丈。
上一篇:热刺大清洗 4位球员被禁随队操练 | 下一篇:《创富Form》深夜赢钱攻略大公开 |
相关阅读
- 08-13《创富Form》深夜赢钱攻略大公开
- 08-13方丈2.0 兰历克劝奥地利神锋勿去曼联
- 08-13曼联再受打击 拉舒福特密谋转投PSG
- 08-13国际足协官宣 世界盃提早一日开波
- 08-13爱斯宾奴官宣武磊离队 减薪返上港
- 08-13【官宣】利物浦同19岁天才续约5年
- 08-13拉比奥特要求天价人工 曼联或放弃收购
- 08-13英超22/23赛季展望--阿森纳
更多>>精选阅读