李察利臣嚣张玩波被辣低 加历查:抵死!
2022-08-30 来源: 八一体育 点击
热刺今季英超开局成绩理想,不过以5,000万镑转会费加盟嘅李察利臣,只系试过3次後备上阵,转会後仍然未入过波。呢位巴西国脚周一(29日)凌晨对诺定咸森林一仗,比赛尾段不忘卖弄脚法,喺边线大玩花式的波,结果被班兰庄逊「辣低」。
尼马等巴西球员向来锺意Show Off,李察利臣今场74分钟入替孙兴民後,热刺冇几耐就赢到2比0,眼见3分差唔多到手,李察利臣就开始玩嘢,85分钟喺进攻左路边线接波後,突然大玩花式「的波」,弹住咁原地连「的」4下之後再交波,当佢再接应回传後,森林嘅班兰庄逊就第1时间凶狠将佢扫低,结果换嚟1张黄牌。
评述嘅利物浦名将加历查表示:「哗!李察利臣就系想挑衅对手,你唔可以咁做,但睇下佢做咗咩?佢成功激嬲对手,亦都激嬲埋我,班兰庄逊可以点?你预期班兰庄逊会由得佢喺到咁样做?」加历查同李察利臣早有牙齿印,上季加历查曾怒插李察利臣插水做戏,李察利臣就反寸加历查「口臭」同「唔值得尊重」。
上一篇:李察利臣嚣张玩波被辣低 加历查:抵 | 下一篇:坦哈格投信心一票 曼联同马迪尔倾续约 |
相关阅读
- 08-30坦哈格投信心一票 曼联同马迪尔倾续约
- 08-30孙兴民冇波入发脾气 干地咁样安慰佢
- 08-30李察利臣嚣张玩波被辣低 加历查:抵死!
- 08-30车路士紧急追「锋」 翻兜C朗?抢签沙夏?
- 08-30卡斯米路影片做手脚 反格拉沙示威被「河蟹」
- 08-29迪基亚竞争对手系佢 曼联斟掂纽卡素门将
- 08-29「孙仔」脚风唔顺 热刺咬唔入森林
- 08-29【读者投书】纽卡索联易主,又一新豪门将诞生?
更多>>精选阅读