前车路士及阿仙奴巴西翼锋韦利安即将重返英超，以自由身加盟另一伦敦球会富咸，等待通过身体检测便可签约作实。

34岁嘅韦利安去年离开阿仙奴後重返巴西，效力哥连泰斯，不过仅上阵9场并无入球，报道指佢同哥连泰斯已提前解约，早前更传出其家人在当地遇到网络欺凌，甚至系死亡恐吓，因此决定离开巴西，重返伦敦搵班落。

韦利安喺英超曾有唔少风光时刻，喺车路士7个球季两夺英超冠军，不过转投阿仙奴後表现未如理想，上阵37场仅入1球，效力1季便离队。

今次重返伦敦踢富咸，呢支升班球队今季扩军，韦利安系该队第9名新兵，实力提升，射手阿历山大米祖域如果得到韦利安嘅支援，将更有睇头。