巴塞隆拿前锋奥巴美扬遭遇最黑暗一夜，西班牙传媒报道，指当地时间周一(29日)凌晨，有4名蒙面贼人闯入奥巴美扬嘅豪宅打劫，持枪要求呢位33岁加蓬国脚打开保险箱，并抢走一批珠宝。

据悉打劫过程非常暴力，贼人持枪及铁棍威胁奥巴美扬同佢老婆，将2人捆绑及殴打，奥巴美扬下巴及老婆嘅头部，都被人用棍打伤，幸好并冇大碍。贼人抢到一批珠宝之後，成功逃走。

事後奥巴美扬报警，但两公婆都拒绝去医院，以免再吓亲家中小朋友。巴塞方面为奥巴美扬嘅子女安排睇心理医生，希望佢哋唔好留下心理阴影。

奥巴美扬已经唔系第一次被人入屋打劫，两个月前有贼人闯入佢屋企偷窃，当时冇人在家，先至冇受皮肉之苦，但今次都系出事，佢真系要好好加强屋企保安。