今季重返英超嘅诺定咸森林，今个夏天「买上瘾」，虽然转会窗已经关闭，但森林仍然喺自由身市场执货，周四(8日)宣布签入科特迪瓦右闸奥里亚，成为球会今夏第22个新兵。

森林发声明宣布同29岁嘅奥里亚达成协议，依家只待工作证就可以正式落实，呢位曾经效力巴黎圣日耳门同热刺嘅球星，今夏同维拉利尔约满後一直未落班，今次重返英超务求大展拳脚。

签埋奥里亚後，森林今夏破纪录嘅买人增加至22人，系英国球会史上单一转会窗最高纪录，旧纪录系苏格兰球会登地联(2000年)同英格兰低组别球会利云斯顿(2001年)嘅19人，而英超纪录就系水晶宫喺2013年签17人。